Isang araw, naisipan ni Armando na magpadala ng pera sa kaniyang kapatid sa probinsiya kaya't nagpunta siya sa PNB sa Manhattan.

"Wow!" 'ika ni Armando ng makita niya yung "lobby" ng "building" kung nasaan ang PNB.
"Napakaganda at modernong moderno ang 'building' na ito," sabi ni Armando sa sarili niya.

Nakipila si Armando sa mga sasakay sa "elevator" at nung bumukas ang pinto, sumama si Armando sa mga nagsipasok. Hinahanap ni Armando sa mga "buttons" sa "elevator" upang pindutin ang 8th Floor na papunta sa PNB. Nung makita niya yung "button" na nakalagdang "8", hindi niya napansin na isa sa mga sumakay na kasama niya ang nakapindot na ng button na "8". Biglang umilaw ang button na "8" habang tinitingnan niya.

"Wow!, " sa loob loobin ni Armando, "talaga namang napakagaling dito sa Amerika. Iniisip mo pa lang na pindutin yung button, e, umilaw na agad!

Tapos, nagsasalita pa yung elevator kung nasaang floor siya!. Iba talaga dito sa Amerika!"

Nakapagpadala na ng kaniyang remittance si Armando at nakasakay na siya sa isang MetroBus na pauwi sa kanila. Napansin ni Armando na may lumalabas na usok sa napakaraming mga "manholes" at mga "drainage holes" sa mga kalsada ng Manhattan.

Wika ni Armando sa sarili niya, "Napakagaling talaga dito sa Amerika. Akalain mo, pati sa ilalim ng kalsada ay nakakapagsiga sila!"

Napansin rin ni Armando na tuwing humihinto yung kaniyang MetroBus, may binibigkas na mga pangalan ang "driver" ng MetroBus. Lumakad ang Bus, tapos huminto. Malakas na sumigaw 'yung driver,
"ROOSEVELT!".
Apat na pasahero ang nagtindigan, pumunta sa likod ng Bus at pagkahinto ng Bus ay lumisan. Lumakad na naman yung Bus, tapos huminto ulit. Malakas na namang sumigaw yung "driver",
"KENNEDY!".
Walong pasahero ang nagtindigan, pumunta sa likod ng Bus at pagkahinto ng Bus ay lumisan. Lumakad na naman yung Bus, tapos huminto ulit. Malakas na namang sumigaw yung "driver",
"GRANT!".
Isang pasahero ang tumindig, pumunta sa likod ng Bus at pagkahinto ng Bus ay lumisan. Tuloy ang biyahe ng Bus ni Armando na parehong ganoong ganoon ang nagaganap.

Wika ni Armando sa sarili niya, "Napakagaling talaga dito sa Amerika. Hindi lang alam ng driver ng bus kung saan ang mga tao nakatira, alam pati niya ang mga pangalan ng mga pasahero niya!"

Tuloy na naman ang biyahe ng Bus ni Armando at pareho pa ring ganoon ang nagaganap.

Pagkaraan ng isang oras, napansin ni Armando, na wala ng ibang pasahero sa Bus kundi ang sarili niya. Napansin rin niya na palapit na ang kaniyang "bus stop" ngunit mabilis pa ang takbo ng bus niya at hindi pa natatawag ang pangalan niya.

Nagmadaling lumapit si Armando sa "bus driver". Lumingon yung "bus driver" nung katabi na niya si Armando. Biglang sumigaw yung "bus driver", "Please step behind the white line! Whaddya want?"