Subject: [Bayani.com]Balitang Bayan
Date: Sun, 07 Feb 1999 01:06:21 +0800
From: Super Perez <super@fiestaislands.com>
To: SeeMySite <SeeMySite@PerezOptical.com>

Mabuhay!

Sa mga bagong sali sa ating samahan, lubos kaming nagagalak
na makasama kayo.  Parami ng parami na ang mga kasali
subalit marami pang lugar para sa inyong mga kaibigan at
kamag-anak.  Sana maimbitahan ninyo sila.  (Papaano? Basahin
ang pinakababa ng liham.)

Natutuwa kaming ilahad sa inyo na mayroon pong nagbigay sa
amin ng kaunting pera kaya po nawala na ang isa sa mga
"banner" sa mga pahina ng Bayani.com.  Bibilis na po ngayon
ang pag-bisita ninyo sa ating "Bahay kubo sa Internet."
Kung bibili po kayo online, sana po ay sa aming bilihan na
kayo pumunta para mas maganda pa ang makuha naming serbisyo
para sa inyo.

Unti-unti po naming dadagdagan ang mga nasa Patawang Pinoy
at may ilalagay na po kaming bagong Pinoy Trivia
(ipagpaumanhin po sana ang salitang Trivia sapagkat hindi pa
kami nakakaisip ng mas magandang titulo para sa kuwartong
ito).  Ang Patawang Pinoy rin po ay binago upang mas mabilis
ninyo makita ang mga pahina.  May mga nagpadala na ng
sangkatutak na pinoy jokes kaya mas mapapadalas ang aming
pagdadagdag sa Patawa.

May natagpuan kaming isang lugar na maari kang makahanap ng
ka-penpal o kaibigan (o ka-ibigan :^) na galing sa
ibat-ibang bansa.  Libre!  Pumunta lamang sa
http://www.philshopping.com/oneandonly.

Ang aklatan po ay bukas na sa tulong ng mga taga amazon.
Pumunta lamang sa http://www.bayani.com/aklatan.

Dito na muna magtatapos ang liham na ito.  Kailangang buohin
ko pa ang Trivia.  Nakapatay na kahapon ang ating
gobiyerno.  Ipagdasal na lamang natin ang kaluluwa niya.
Kung may masasabi kayo tungkol dito, maaring ilagay sa
Balitaan para mabasa namin.  Sana hindi nagkamali ang
Hustisya.

Hanggang sa muli, ito po si Super Perez, ang inyong lingkod
na tagapamahala ng Bayani.com, na nagsasabing:

"Ang hindi marunong tumingin sa pinanggalingan ay walang
paroroonan.  Ang hindi marunong tumingin sa paroroonan ay
nadadapa."

                            \\ | //
                            (o o)
http://www.Bayani.com
------------oOOo-(_)-oOOo----------------------------------------------

copyright 1999 ng Bayani.com

Para magpalista, magpadala ng sulat sa
magpapalista@bayani.com.
Kung nais ninyong mag-imbita ng kaibigan para magpalista,
iforward lamang ito o sulatan kami sa kaibigan@bayani.com.
Salamat po!