Subject: [bayani]Balita/Patawa
Date: Sun, 21 Feb 1999 10:19:52 +0800
From: "Bayani.com" <sulat@bayani.com>
To: See_Bayani_com <SeeMySite@bayani.com>

Mga Binibini at Ginoo,

Mabuhay!
Sa mga bagong sali sa ating grupo, malugod namin kayong tinatanggap at
natutuwa kaming makasama kayo.  Parami na ng parami ang kasali sa
ating listahan pero mayroon pa ring maraming puwang para sa inyong mga
kaibigan at kamaganak.  Kung nais ninyong mang-imbita, may nagawa
kaming mas madaling paraan para sa inyo sa ating Bahay kubo.  Tingnan
lamang ang kaliwa sa unang pahina o puwede ring ipadala sa amin ang
pangalan at e-mail address at kami ang mag-iimbita para sa inyo.

Naisipan namin na ipadala sa inyo ang mga ibang patawa na inilagay
namin sa Patawang pinoy.  Marami sa inyo ay hindi nakakabisita dahil
walang oras at para na rin mapadalhan namin kayo ng mga balita.  Ang
una ay nasa ibaba.

Konting tulong lang po.  May promo po yung isa naming sinalihan, ang
utrade.  Isa po siyang auction site.  Kung maaari po, pumunta lamang
kayo sa http://www.philshopping.com/sign1.htm at magpalista para po
mabigyan kami ng "credit."  Libre po ito at walang kailangang bilhin o
ibang gawin.  Makakatulong po sa amin ito.

Eto na ang patawa.  Sana ay magustuhan ninyo.

Ang Kabayo
=========
Isang probinsiyano ang nagpunta sa Manila para magpatingin sa
Psychiatrist tungkol sa kanyang sakit.

EMIL: Ang problema ko ho, Doc, ay tungkol sa pagkakaroon ko ng takot
sa pagmamaneho.  Nagsimula ho ito nang mamatay ang misis ko nang ang
kotse niya ay bumundol sa trak.

DOC: At simula noon ay natakot ka nang gamitin ang kotse mo sa
pagpasok sa opisina?

EMIL: Hindi ho ako nag-uupisina, Dok.  Mayroon ho akong maliit na
grocery sa bahay.

DOC: E para saan yung kotse?

EMIL: Sa pamimili ko ho ng mga paninda gaya ng mga de lata, bigas at
iba pa.

DOC: Ganoon ba?  Pwes, lutas na ang problema mo!  Kaya mo bang bumili
ng Kabayo?

EMIL: Aba, oho!  Mura lang ang kabayo sa probinsya namin!

DOC: Pwes,  sa pamamagitan ng kabayo, hindi ka na magmamaneho ng kotse
pag mamimili ka sa palengke!

EMIL:  Sige ho!  Susubukan ko nga.

(pagkaraan ng isang linggo)

DOC:  Ano iho, kamusta?  Bakit malungkot ka?  Sininod mo ba yung
sinabi ko?

AMBO: Oho, Dok! Limang kabayo na ho yung nabili ko pero  lahat ho sila
ay hindi marunong magmaneho.

Galing daw sa Jingle.
Para sumali, magpadala lamang ng sulat sa sulat@bayani.com o pumunta
sa website.
Mas marami pang mga patawa sa http://www.bayani.com/patawa
Sana ay huwag tanggalin ang mga sulat na ito pag-ipapadala sa kaibigan
para makasali rin sila.

Inyong lingkod,
Super Perez
http://www.bayani.com

http://www.bayani.com/balitaan - Balitaan sa Bayani.com
http://www.bayani.com/kuta - Kuta ng mga Katipunero
http://www.bayani.com/aklatan - Aklatan ng Bayani.com
http://www.philshopping.com - Tiangge sa Internet